ပိဋက နိဒါန်း ( သို့) ပိဋက သုံးပုံ ဖြစ်ပေါ်လာပုံအကြောင်း
သဗ္ဗေညုတ ဥာဏ်တော်ကြီးဖြင့် လေးဆယ့်ငါးဝါတို့ကာလပတ်လုံး ဟောကြားပညတ်တော်မူခဲ့သည့်
''သုတ်၊ အဘိဓမ္မာ၊ ၀ိနည်း'' တရားတို့ကို
''အရှင်သာရိပုတ္တရာ ၊ အရှင်မောဂ္ဂလ္လာန်၊ အရှင်မဟာကဿပ ၊ အရှင်ဥပါလိ ၊ အရှင်အနုရုဒ္ဓါ ၊
အရှင် အာနန္ဒာ'' စသော ထိပ်ခေါင်တင် မထေရ်ကျော်ကြီး တို့သည်
မြတ်စွာဘုရားထံတော်မှ ကြားနာခြင်း၊ သင်ယူခြင်းတို့ဖြင့်၎င်း ၊ မရှင်းလင်းသည့်
အချက်အလက်တို့ကို မေးမြန်းခြင်း ၊ဆွေးနွေးခြင်းတို့ဖြင့်၎င်း ကိုယ်တိုင်ကိုယ်ကျ စနစ်တကျ
သင်ယူမှတ်သား ဆောင်ယူခဲ့ကြပါသည် ၊ ''အာစရိယ ပရမ္ပရသိဿာနုသိဿ '' ဟုဆိုအပ်သော
ဆရာစဉ်ဆက် ၊ တပြည့်စဉ်ဆက် တို့ကိုလည်း ( မြတ်စွာဘုရား သက်တော်ထင်ရှား ရှိစဉ်က
ပင်လျှင် ) မပျက်မကွက် အစဉ်အဆက် ဆင့်ပွားပို့ချ သင်ယူတော်မူစေခဲ့ပါသည်၊ ထိုပို့ချ
သင်ယူသမျှ အားလုံးတို့ကိုလည်း မြတ်စွာဘုရားထံလျောက်ထား၍ အတည်ပြုချက်ရယူတော်
မူခဲ့ကြပါသည်၊
ထို့ကြောင့် ပဌမ သံဃာယနာတွင်
'' အရှင်မဟာကဿပ မထေရ် ''၏ စိစစ်မေးမြန်းချက်တို့ကို
''အရှင်ဥပါလိ'' နှင့် ''အရှင်အာနန္ဒာ မထေရ် ''တို့က
'' ဘဂ၀တော ၊ မြတ်စွာဘုရား၏ ။ သမ္မုခါ ၊ မျက်မှောက်တော်မှ ။
ဧ၀ံ ၊ ဤသို့ ။
သုတံ ၊ ကြားနာလိုက်ရပါ၏ ။
ဥပလက္ခိတံ ၊ မှတ်သားလိုက်ရပါ၏ ။
ဥပဓာရိတံ ၊ ဆောင်ထားလိုက်ရပါ၏ ။ '' ဟူ၍ ရဲဝံ့ ပြတ်သားစွာ လျောက်ထား ဖြေကြားနိုင်ခဲ့
ကြခြင်း ဖြစ်ပါသည်။
'' သုတ် ၊ အဘိဓမ္မာ ၊ ၀ိနည်းတရားတော်''တို့ကို မြတ်စွာဘုရား ဟောကြား ပညတ်တော်မူရာတွင်
အဘိဓမ္မာတရားတော်ကိုသာ ဒေသနက္ကမ (ဟောစဉ်) အဖြစ် ဓမ္မသင်္ဂဏီ၊ ၀ိဘင်း၊ ဓာတုကဌာ ၊
ပုဂ္ဂလပညတ်၊ ယမိုက် ၊ ပဌာန်းဟူ၍
အစဉ်အတိုင်းဟောတော်မူခဲ့သော်လည်း ''သုတ်တရားနှင့် ၀ိနည်းတရားတော်
'' တို့ကိုမူ '' ပုဂ္ဂိုလ် ၏
အဇ္ဈသယ နှင့် ဖြစ်ပေါ်လာသော လွန်ကြူးမှု အားလျော်စွာသာ အခြေအနေပေါ်မူတည်၍'' ဟောကြားပညတ်တော်
မူခဲ့ပါသည်၊ ဆိုလိုသည်မှာ သုတ်တရားနှင့် ၀ိနည်းတရားတို့ကို
ယခုကျမ်းစာအုပ်များတွင် မြင်တွေ့သင်ကြားနေရသောအစဉ်အတိုင်း
ပညတ်တော်မူခဲ့သည်မဟုတ်ဘဲ ဒေသနာတော်တို့ကို တရားနာပုဂ္ဂိုလ် ၏ အလိုဆန္ဒ စရိုက်နှင့်
ကိုက်ညီအောင် ၊ ၀ိနည်း ပညတ်ချက်တို့ဖြစ်ပေါ်လာသော ကျူးလွန်မှုနှင့် သင့်လျော်အောင်သာ
အခြေအနေပေါ်မူတည်၍ ဟောကြားပညတ်ခဲ့သည် ဟု ဆိုလိုပါသည်။
မြတ်စွာ ဘုရား ပရိနိဗ္ဗာန် စံလွန်တော်မူပြီးနောက် သုံးလစေ့မြောက်သော ''မဟာသက္ကရာဇ် ၁၄၈ ခု၊
ဝါခေါင်လပြည့် ကျော် ၁ ရက်နေ့''တွင်
အရှင်မဟာ ကဿပမထေရ်မြတ်ကြီး အမှုးအမှူးရှိသော
ပဋိသမ္ဘိဒါပတ္တဆဠာဘိညရဟန္တာ အရှင်မြတ်ကြီး ငါးရာ တို့ ( ပဌမ)
သံဂါယနာတင်တော်မူကြရာတွင်
ရှေးဦးစွာ'' ၀ိနည်းတရားတော် ''ကို အစီအစဉ်ကျနအောင် စီစဉ်၍ သံဂါယနာတင်
အတည်ပြုတော်မူကြပါသည်။
ထို့နောက် ''သုတ္တန် တရားတော်'' ကို အစီအစဉ်ကျနအောင် စီစဉ်၍ သံဂါယနာတင်
အတည်ပြုတော်မူကြပါသည်။
ထို့နောက်'' အဘိဓမ္မာ တရားတော်'' ကို အစီအစဉ်ကျနအောင် စီစဉ်၍ သံဂါယနာတင်
အတည်ပြုတော်မူကြပါသည်။
ထို ၀ိနည်း တရားတော် အစုကို
'' ၀ိနယ ပိဋက '' ဟူ၍ လည်းကောင်း၊
အဘိဓမ္မာ တရားတော် အစုကို
'' အဘိဓမ္မာ ပိဋက '' ဟူ၍ လည်းကောင်း၊
သုတ္တန် တရားတော် အစုကို
'' သုတ္တန္တ ပိဋက'' ဟူ၍ လည်းကောင်း၊
အသီးသီး တသန့်စီ
ခွဲခြား ဝေဘန်၍
စုပေါင်း သံဂါယနာတင် အတည်ပြုတော်မူကြပါသည်။
ထို ''ပဌမ သံဂါယနာ '' မှ စ၍
'' ၀ိနယ ပိဋက ''၊
'' သုတ္တန္တ ပိဋက'' ၊
''အဘိဓမ္မာ ပိဋက ''
ဟူ၍ လည်းကောင်း၊
ထို ပိဋက သုံးမျိုးကိုပင်ပေါင်းစု၍
'' တိပိဋက ( ပိဋက သုံးပုံ) ''ဟူ၍လည်းကောင်း
သတ်မှတ်ခေါ်တွင် ထင်ရှားခဲ့ပါသည်။
အချုပ် ဆိုရသော်
'' ၀ိနည်း၊
သုတ်၊
အဘိဓမ္မာ ''ဟု ဆိုအပ်သော '' ဓမ္မခန္ဓာ''
( တရားတော်အစုအပေါင်း) တို့ကို အရှင်မြတ်ကြီးတို့ကိုယ်တော်တိုင်
်မြတ်စွာ ဘုရားထံတော်မှ နာယူသင်ကြား
မှတ်သားဆောင်ယူ၍ အစဉ်အဆက်
သင်ကြားပို့ချ ဆောင်ယူတော်မူခဲ့ကြပါသည်။
မြတ်စွာဘုရား လွန်တော်မူသော အခါ ကိုယ်စားတော်ထားရစ်ခဲ့သော
ဓမ္မခန္ဓာတို့ကို'' ပဌမ သဂါယနာ''တင်၍
အတည်ပြုတော်မူကြပြီး သင်ကြားမှတ်သားဆောင်ယူရာ၌
အစီအစဉ်ကျန၍ လွယ်ကူစေရန်''
ဝိနယပိဋက ၊
သုတ္တန္တပိဋက၊
အဘိဓမ္မာပိဋက''
ဟူ၍ သုံးမျိုး ၊ သုံးပိုင်း ၊ သုံးပုံ ခွဲဝေကာ
သတ်မှတ်အတည်ပြုတော်မူခဲ့ကြပါသည်။
ဤသည်လျှင် ပိဋက နိဒါန်း
( ပိဋကသုံးပုံ ဖြစ်ပေါ်လာပုံ အကြောင်း)
အကျဉ်းချုပ် ဖြစ်ပါသည်။
ကျမ်းကိုး
ပိဋက ဗျူဟာ အဖွဲ့ မှ ဓမ္မဒါနပြုသော ၁၉၇၇ ခုနှစ် ၊ အောက်တိုဘာလ ထုတ်
ကလျာဏီကျောက်စာ မြန်မာပြန် စာအုပ် စာမျက်နှာ ၁၂၄-၁၂၅-၁၂၆-၁၂၇ မှ ကူးယူ ဖော်ပြပါသည်။
